Video / Kry.i Komunës së Lipjanit Imri Ahmeti, ka pritur në një takim kryebashkiakun Besion Ajazi

Kryetari i Komunës së Lipjanit z. Imri Ahmeti, sot ka pritur në takim Kryetarin e Bashkisë së Gramshit z. Besion Ajazi, së bashku me përfaqësuesit e KF. Gramshit nga Shqipëria.

Gjatë këtij takimi, Kryetari Ahmeti falënderoi Kryetarin Ajazi dhe përfaqësuesit e klubit për vizitën e tyre në Lipjan dhe për organizimin e ndeshjes miqësore me KF. Ulpiana 92.

“Me të vërtetë ndihem shumë mirë që në Lipjan organizohen ndeshje miqësore të këtij karakteri, të cilat jo vetëm që janë sportive, por njëkohësisht mundësojnë që sportistët të zhvillojnë aftësitë e tyre garuese dhe, në të njëjtën kohë, inkurajojnë zhvillimin e talenteve të reja në këtë sport,” tha Kryetari Ahmeti.

Ndeshja miqësore mes dy klubeve u zhvillua në stadiumin e qytetit të Lipjanit, duke krijuar një atmosferë sportive për të gjithë të pranishmit që e përcollën nga afër këtë ndeshje.