Video / Banorët e 6 fshatrave të Lenies së Gramshit ngrihen në protestë

Banorët e 6 fshatrave të Lenies së Gramshit ngrihen në protestë
Mëngjesin e sotëm,banorët e gjashtë fshatrave të Njësisë Administrative të Lenies në bashkinë e Gramshit u ngritën në protestë. Banorët shprehën pakënaqësinë e tyre për shkak të gjendjes së keqe të rrugës e cila sipas tyre është bërë e pakalueshme për shkak të punimeve që po kryhen nga një kompani shqiptare për ndërtimin e tre hidrocentraleve në zonën e Grabovës së Sipërme. Këto hidrocentrale shfrytëzojnë ujin e të gjithë zonës, por banorët kanë kritikuar se kompania që po zhvillon këto projekte nuk ka bërë asnjë investim në infrastrukturën e zonës dhe në jetën e përditshme të tyre.Një nga kërkesat kryesore të protestuesve është rikonstruksioni i rrugës, pasi ajo është dëmtuar ndjeshëm nga kamionët e kompanisë, të cilët sipas banorëve po shkatërrojnë më tej infrastrukturën dhe nuk po e rikonstruktojnë siç ishte premtuar.
Sinkrone

Ndërkohë, përveç shkatërrimit të rrugëve banorët e fshatrave janë përballur edhe me një problem tjetër të madh,mungesën e ujit për përdorim, pasi resurset ujore të zonës shfrytëzohen nga hidrocentralet pa lënë asnjë proporcion për banorët sikurse përcakton leja zhvillimore.Një tjetër arsye për këtë protestë ka qenë dhe papërgjegjshmëria sipas banorëve e autoriteteve lokale të cilat ata thonë nuk kanë mbrojtur interesat e tyre.