Të rinjtë, afër librit dhe larg fenomeneve negative.” Punonjësit e Komisariatit të Policisë Elbasan zhvilluan ditën e një takim sensibilizues me nxënësit e gjimnazit “Dhaskal Todri”.

“Të rinjtë, afër librit dhe larg fenomeneve negative.”

Punonjësit e Komisariatit të Policisë Elbasan zhvilluan ditën e një takim sensibilizues me nxënësit e gjimnazit “Dhaskal Todri”.

Në qendër të këtij takimi ishin informimi dhe edukimi i të rinjve për pasojat penale dhe ato sociale të fenomeneve negative si: përdorimi i drogës, vjedhja, mashtrimi, bullizmi etj.

Specialistë nga të gjitha strukturat e Komisariatit të Policisë Elbasan që ishin të pranishëm në takim, së bashku me stafin pedagogjik dhe me psikologun e gjimnazit, këshilluan nxënësit që ta kenë shkollën, librin dhe dijen, të vetmin pikësynim të tyrin, si dhe që të qëndrojnë larg krimeve, pasi përveç dënimit penal, fenomene të tilla ndikojnë negativisht për të gjithë jetën e tyre në vijim.

Nxënësit u nxitën gjithashtu që të denoncojnë çdo krim e paligjshmëri, pasi oficerët e sigurisë dhe punonjësit e Policisë janë gjithnjë të gatshëm për ta.