Shqipëria fiton 2 me 0 me Moldavinë në “Air Albania”

Kombëtarja e Shqipërisë ka regjistruar fitoren e parë në kualifikimet për Kampionatin Evropian “Euro 2024”.

Të përzgjedhurit e Sylvinhos triumfuan sonte ndaj Moldavisë.

Ndeshja e zhvilluar në stadiumin “Air Albania” përfundoi me rezultatin 2 – 0

Kombëtarja shqiptare e dominoi në tërësi pjesën e parë, me raste dhe posedim të topit, por nuk e gjeti dot rrugën për te goli, duke shkuar në pushim me rezultat të barabartë.

“Kuqezinjtë” vazhduan me shfaqje të mirë edhe në pjesën e dytë, ku i shënuan edhe golat e fitores.

Jasir Asani shënoi një gol jashtëzakonisht të bukur nga distanca në minutën e 52-të për epërsinë e parë. Për 28-vjeçarin ishte ky goli i tij i parë me fanellën kuq e zi.