Shoqata për Autonominë Vendore në krah të Veliajt: Ndalimi i tij pa vendim të prerë gjykate cenon autonominë lokale

Shoqata për Autonominë Vendore ka shprehur shqetësimin lidhur me ndalimin e Kryetarit të Bashkisë së Tiranës, Erion Veliaj, duke e cilësuar atë si një veprim të papranueshëm në mungesë të një akuze të qartë dhe një vendimi gjyqësor të formës së prerë.

Në një deklaratë zyrtare, Shoqata thekson se ka qenë gjithmonë në mbështetje të respektimit të ligjit dhe ka inkurajuar bashkitë që të bashkëpunojnë me organet e drejtësisë. Megjithatë, ajo e konsideron të paprecedentë ndalimin e një të zgjedhuri vendor pa një vendim të plotfuqishëm apo pa u gjetur në kushtet e flagrancës.