NXËNËSIT E SHKOLLËS “PROTAGONISTËT” SHPËRNDAJNË PAKO ME NDIHMA USHQIMORE DHE RROBA PËR NJERËZIT NË NEVOJË

NXËNËSIT E SHKOLLËS “PROTAGONISTËT” SHPËRNDAJNË PAKO ME NDIHMA USHQIMORE DHE RROBA PËR NJERËZIT NË NEVOJË
Mbas atmosferës festive të kolendrave që nxënësit e shkollës “Protagonistët” në Tiranë përcollën tek stafi i Qendrës Sinodike të Kishës Orthodhokse, ata më pas transmentuan këtë festë edhe në ambjentet e Rinisë Orthodhokse në Katedralen “Ngjallja e Krishtit”, ku më pas ju shpërndanë njerëzve në nevojë pako dhe kuti me ushqime dhe rroba, që vetë fëmijët kishin përgatitur me prindërit e tyre. Ky aktivitet i përbashkët mes Zyrës Rinore, Fondacionit “Frymë Dashurie”, Shkollës “Protagonistët” në Tiranë dhe Radios “Ngjallja” bëri bashkë stafet e këtyre institutcioneve të Kishës, bashkëpunime që do të vijojnë edhe në të ardhmen. At Grigori pasi përshëndeti fëmijët dhe familjet e tyre për xhestin bujar të dhënies së ndihmave, i falenderoi ata bashkë me mësuesit e shkollë, të cilët mbeten përherë të përkushtuar në misionin e tyre. Në këtë aktivitet nxënësit e shkollës shoqëroheshin edhe nga z. Andrea Andi Rëmbeci, drejtor i fondacionit “Frymë Dashurie”, i cili jep vazhdimisht një vizion bashkëpunimi dhe mbetet iniciator i aktiviteteve në dobi të formimit dhe edukimit të nxënësve.

Aleksandër Dimroçi RADIO NGJALLJA