Nga / Ilir Çumani / QIELLI DO TË JETË EDHE MË I SHNDRITSHËM… LAMTUMIRË SOKRATI SHQIPTAR… Jetove mrekullueshëm dhe lumturisht përmes Artit dhe lojës tënde brilante duke skalitur aq mjeshtërisht tipa dhe karaktere në galerinë e pafundme të personazheve që u dhe jetë.

QIELLI DO TË JETË EDHE MË I SHNDRITSHËM…
LAMTUMIRË SOKRATI SHQIPTAR…

Jetove mrekullueshëm dhe lumturisht përmes Artit dhe lojës tënde brilante duke skalitur aq mjeshtërisht tipa dhe karaktere në galerinë e pafundme të personazheve që u dhe jetë.

Vrapove pafundësisht me pasionin tënd dhe gëzove e mbushe gjithë gazmend zemrat e të gjithë shqiptarëve dhe bashkëkombasve të tu, këtej dhe andej kufirit, ngado ku flitej shqip, dhe si një Maratonomak kurrë nuk u ndale me talentin tënd për të arritur majat më kulmore të një Artisti brilant!

Ikja jote në këtë fillimdimri është aq e trishtë për të gjithe; veçanërisht për familjen, bashkëshorten dhe dy vajzat, për Miqtë dhe dashamirësit e shumtë, për të gjithë artëdashësit shqiptar….

E megjithatë, ashtu siç thuhet shpesh për racën e shumë të ngjashmëve të tu, Njeriu nuk harrohet kur vdes; por vdes kur harrohet….

Prehu në Paqe Miku im shtrejntë në gjumin e qetë dhe të patrazuar nga tallazet e jetës së të gjallëve….

Punove paulodhur deri në frymën e fundit, duke lënë pas një Vepër të pasur dhe të Admirueshme të lojës aktoriale…

Ndaj njerëzit si Ty nuk vdesin dhe nuk arrohen kurrë!
Qielli do të jetë më i bukur dhe më i shndritshëm me Ty!
Lamtumirë Miku im.

Prehu në Paq #SOKRATI #SHQIPTAR

#MIRUSH #KABASHI

#Nder i #Kombit

Tiranë, 5 dhjetor, 2023

Nga / Ilir Çumani