Moderator dhe producent, ky është zyrtarisht banori i parë i “Big Brother Vip3”

Pak orë para ndezjes së dritave të shtëpisë së “Big Brother VIP 3”, është konfirmuar zyrtarisht banori i parë. Lajmi është publikuar nga Top Channel pas shumë zërave dhe hamendësimeve që e listonin Meritonin mes konkurrentëve VIP të këtij edicioni.

Meriton Mjekiqi, gazetar, moderator dhe producent i njohur, është i pari emër i konfirmuar që do të nisë rrugëtimin në reality show-n që nis nesër mbrëma.

Me 12 vite karrierë, Mjekiqi ka eksperimentuar shumë në fushën e medias, ka punuar në shumë televizione të Kosovës, si gazetar, kryeredaktor, moderator etj.

Emisioni i tij aktual “Gjoni Black” është ndër më të suksesshmit në Kosovë. Programi që i ka dhënë vëmendjen maksimale Meritonit, ka zbuluar edhe shumë talente të reja në muzikë.