Mjeshtërit e gurit dhe drurit/ Në Gramsh, tradita trashëgohet

Prej 40 vitesh, Abedin Ballolli gdhend gurin dhe drurin.
Ajo që dikur nisi si pasion i diktoi jetën dhe u gdhend bashkë me të. Zanatin e mësoi nga babai, për t’ua trashëguar djemve, si zanat me të cilin do të mbante familjen, dhe do të ishte krenar që pavarësisht fortësisë së gurit, ai arriti ta mundë atë, t’i japë formën që dëshiron e ta kthejë në art.

Edhe pse profesionet e rënda po zhduken, duke gdhendur gurin, herë për art dhe herë për ndërtim, Abedini shtroi rrugën e jetës. Familja Ballolli nuk ka emigruar, ata jetojnë në Osten të Gramshit, me duart e copëtuara nga forca e gurit, por me zemrat e ngrohta pranë njëri tjetrit.

Video / Top channel