Gramsh / Festë e mbushur me plot gëzim në Famullinë tonë!

Festë e mbushur me plot gëzim në Famullinë tonë!
Ditën e Martë datë 04.10.2022 Tetor u krye Misteri i Martesës (Kurorëzimi) i bijve të Kishës sonë Donaldit dhe Marizës.
Shërbesat e Shenjta u drejtuan nga Prifti i famullisë tonë At Mihali bashkë me At Petron dhe At Grigorin.
Mariza që e vogël ndoqi me dëshirë të madhe mësimet e katekizmit. Më pas ajo u bë pjesë aktive e rinisë Orthodhokse të Gramshit. Ajo mësoi himnet e bukura dhe troparet e Kishës duke ndihmuar në psaltir At Mihalin për shumë vite. Donaldi vjen nga qyteti i Gramshit gjithashtu dhe së bashku me Marizën tani jetojnë në Gjermani. Të dy janë të lidhur ngushtësisht me Kishën e vendlindjes së tyre edhe sot u realizua dëshira e të dyve të kurorëzoheshin në kishën “Metamorfoza e Krishtit Shpëtimtar”.
Famullia jonë ju uron jetë të lumtur dhe të bekuar!

Famullia Orthodhokse “Metamorfoza e Zotit Krisht” – Shën Sotiri, Gramsh