Myftiu i Gramshit, z.Anis Qafa, zhvilloi një takim kortezie me Kryetarin e ri te Bashkisë së Gramshit, z.Besion Ajazi.

Myftiu i Gramshit, z.Anis Qafa, sot zhvilloi një takim kortezie me Kryetarin e ri te Bashkisë së Gramshit, z.Besion Ajazi.

Z.Qafa fillimisht e uroi e z.Ajazi per detyren e tij te re e me pas e njohu me institucionin që ai përfaqëson, Myftinia e Gramshit – KMSH, dhe me misionin e rolin e tij në shoqëri në kuadër të ruajtjes e zhvillimit të vlerave jetike si harmonia, bashkëjetesa ndërfetare e ndërgjegjësimi i masave rreth besimit në Zot.

Nga ana e tij, Kryetari i Bashkise e prezantoi Myftiun e ri të Gramshit me bashkinë e këtij rrethi dhe sfidat e ndryshme në angazhimet e përditshme të saj e i uroi atij suksese në detyrën e re duke e përmbushur në mënyrën më përfekte misionin në fjalë.
Gjatë takimit, të dyja palët diskutuan rreth mundësive të ndryshme të rritjes së bashkëpunimit në fusha me interes të përbashkët në dobi të shoqërisë së qytetit dhe rrethit të Gramshit.